Montanelli lo gà ciamà "plebiscito burletta", tanti stòrici i lo ciama sensa problemi "plebiscito truffa". Inte'l 1866 el Popolo Veneto xe pasà sóto la Italia. Da chel momento xe scumisià le tàse (vd. soratuto la "tassa sul macinato") e el declino de quelo che par pì de 1.100 àni xera stà on Stato forte, sàn, faro de arte e civiltà e exenpio de justìsia pa tuto el mondo: la Repùblica Veneta de San Marco. Come e parché semo pasà soto la Italia? Cosa xe canbià da 141 àni a sta parte?
Ndemo a scovèrxarlo insieme a inportanti relatori. Qua podì catar da scoltar on inportante convegno, tegnéseto inte'l 2006 a Venèsia (relatori Prof. Zanetto, Prof. Borsetto e Prof. Cavallin), védar e scoltar on video indove el Prof. Borsetto conta dei fàti del 1866 dal palco de la Festa dei Veneti del 2006 e, pa finire, podì scargar dei testi a riguardo del plebiscito e de la storia veneta.
Chi che contròla la storia contròla el futuro.
Ghemo el dirìto de savere e conósare chi che semo e che semo stà. Xe la NOSTRA Storia.
I ne gà contà che el Veneto el xe pasà soto la Italia co grandi feste e gran entuxiasmo. Ma xe ndà propio cusì?
La verità xe che el Popolo Veneto gà subìo na trufa granda, pasàndo soto on stato straniero (regno italiano - piemontexe) co on Plebisito trucà e antidemocràtico.
» Scolta el convegno "1866: IL PLEBISCITO TRUFFA DI ANNESSIONE DEL VENETO ALL'ITALIA"
PUBLICASION sol 1866 e de Storia Veneta
Titolo:1866, anno della vergogna italiana. 19 ottobre 1866 - giorno di lutto per le genti venete
Autor: Luigi (Gigio) Zanon
Publicà inte'l: 2000
Note: in sto interesante libro, Luigi Zanon el ne fa' conósare cosa che xe capità inte l'infausto ano 1866, co'l Veneto el xe pasà soto la Italia. I libri de scola i ne gà tegnésto sconto sto toco de storia, o magari i lo gà mostrà cofà na festa e na "liberasion" pa la xente venete. Ma no xe sta cusì: on plebisito trufa ne ga portà soto la Italia. E inte la analixi de Zanon vien fora na provocasion e na riflesion che gà da farne pensar: "Non so se il plebiscito che hanno manipolato con la detta violenza ed astuzia ed inganno al giorno d'oggi, con tutte le debite garanzie dettate dalle leggi internazionali e sotto la super visione d'emissari O.N.U. [...], potrebbero rivincerlo. Ma se ne sono tanto sicuri, perché non lo rifanno? È assurdo che gli attuali governanti predichino l'autodeterminazione dei Popoli, e poi la neghino al Popolo Veneto!".
Autor: Gabriele Riondato
Publicà inte'l: 2006
Note: on òtimo libréto de 33 pàjine indove l'autor el ne spiega in maniera ciara la storia del Popolo Veneto, da le so orìjini, scumisiando coi veneti antichi, fin rivare al dì de uncó, pasàndo pal glorioxo periodo de la Repubblica Serenissima. Na Storia che i ne gà tegnesto sconta, fata de eroi e de on forte amor pa la nostra tera e i nostri valori veneti. On libréto pien de dati e anca de curioxità sora Venesia e la nostra Storia.
Video: el 1866 - l'àno de la trufa.
Scolta el CONVEGNO on-line »
PUBLICASION sol 1866){kind=small}
scarga in PDF){kind=small}
RAIXE VENETE - el jorna