STANPA

Dal dodéxe de novenbre xé rivà in tute le edìcole del Veneto ‘Il Corriere del Veneto’, suplemento a ‘Il Corriere Della Sera’.
El jornale, direto da Ugo Savoia, ga na redasión de 20 jornalisti veneti. Na voxe in pì no fa mai male, ma xé anca vero ke, vardàndo ki ke ghe xè dadrìo a sto jornale no pare ke el posa dire gnente de novo. I paroni i xè infati, oltre a RCS editori, on grupo de industriali veneti: Fracarro Radioindustrie, Riello industries, Zonin, Giacancarlo Ligabue Finanziaria, Polegato e poki altri.
Vedaremo tra cualke méxe, cuando l’efeto novità sarà pasà, cuanta tiratura efetiva garà sto novo jornale e cuanto spasio ke el gavarà tolto a staltri quotidiani.
De sicuro sarà Il Gazzettino ke gavarà pì secàde da sto novo concorente, visto anca el bruto momento de crixi ke xé drio traversare el quotidiàn direto da Bacialli.
Xé presto par capire da ke parte ke se skiererà el jornale, semo cuaxi sicuri però ke no sarà dala parte nostra, dala parte dei veneti ke vole l’indipendensa.