STANPA

la storia vera de on toxo olandexe de venti ani ke par do jorni el ga fato tremare i sistemi informadeghi de tuto el mondo - seconda parte

continua dal numaro pasā

Come ultima roba el gā da inventarse on indiriso Internet dove ke vegnerā indirisā tuti i conputer infetā in tel momento ke el virus el se ativarā. Sora la so scrivania, Jan el vede la risevųda de on negosio de conputer dove ke el gaveva conprā calcosa tenpo prima e, sensa pensarghe masa, el scrive l'indiriso Internet de kel negosio.
Tuto qua: el resto (efeti del worm, ojeto dela mail, data de ativasiķn del virus) Jan gnanca no lo toca. Tuta la instalasiķn e la prosedura no le xe durā pė de sinque minuti.
A sto punto el deve solo mandār via el virus. Jan el smorsa el so conputer e el vā in leto, pensando ke, de sicuro, i so amighi i vardarā subito el file ".vbs" in alegā e no i lo verxerā: el so virus "fato in caxa" el pasarā de sicuro inoservā, come el so sito dedicā ala bela Kournikova. Xe luni, 12 febraro.
Kela sera Jan no'l podeva imajinarse de avér lanciā on mega-test sora la psicolojėa del'esere umān. la man la vā pė velose del servelo: i destinatari dela so mail, sensa pensarghe masa sų, i lexe “AnnaKournikova” e i ghe struca sora, sensa pensarghe on atimo, propio come ke gaveva previsto la riserca del'IDC, scatenando na reasiķn a cadena mai vista prima!
El virus el se espande in te na maniera esponensiale par tuta l'Europa. In te le prime quatro ore, la dita britanica MessageLabs ghe ne cata fora pė de 3000 copie. El worm el se moltiplica a na velositā dopia del famoxo virus IloveYou e el riva in poco tenpo in tel Nord America.
Ala fine dela jornada Mail.com la rileva 53.000 segnalasiķn da parte dei so utenti. Alo steso tenpo se gā meso in moto la makina dela sicuresa. le pė famoxe axiende ke fa i antivirus le scomisia subito a mandār fora 'patch' par distruxerlo.
Jan intanto no'l se acorxe de ninte, fin a marti de sera, co'l se sacrica le news da Internet. Al'inisio el se exalta: el scomisia a mandare mesaji soi newsgroup olandexi dove ke'l rivendica la creasiķn del virus e el se dixe stupėo de come ke el se difonde.
Dopo perō el scomisia a capire de averla fata propio grosa: in Europa e in America el virus el se stā estinguendo, ma in Australia el xe in ativitā masima e el minacia anca i siti del governo. In kel momento Jan el capise l'erore ke'l gā fato doprando el nick “OnTheFly”, el so soranome ke on mucio de jente conose. Via mesaji, el dikiara de aver creā on virus par informār i navigadori sora el tema dela sicurésa. Ma co'l vién a savere ke parfėn l'Fbi la lo sta sercando e ke i stā par identificarlo, el crōla. E, come de solito capita, el vā a contarghe tuto a so mama.
Mercore de maltina, jorno de San Valentėn, i so jenitori i lo conpagna ala polisia de Sneek.
Jan el serca de justificarse, dixendo ke xera la prima volta ke el faxeva on virus e ke la sarėa stā de sicuro l'ultima! Ma i polisioti i ghe sequestra tuto: conputer e CD vari e i lo incrimina par dani ala propietā. El toxo el vien arestā e subito molā fora in te la atexa del proceso. El ris-cia quatro ani de prexķn!
A sto punto intervién el sindaco de Sneek, Siebold Hartkamp, ke, conosuda la storia, el deside ke Jan el merita invese on coloquio de lavoro, visto ke'l gā fato deventare famoxa la so sitā. On lavoro ke perō el gabia come tema la sicuresa informadega.
ĢPar quelo ke so,ģ el dirā el sindaco, Ģi braconieri i xe i mejo guardiacacia.ģ
Cusė finise, se pol propio dire "a lieto fine", la storia de Jan Dewit, on toxo de solo venti anni, ke el gā fato tremār el mondo par do jorni sensa capirghine quaxi ninte de computer!

Davide Guiotto