STANPA

Vilanova de Canposanpiero

El 29 de febraro a Vilanova de Canposanpiero, visin Padova, se gā svolto na belisima manifestasion in ocasion de l'ultimo dė de l'ano Veneto, overo el Bati marso. Sta usanxa, che vien ricordā anca in tante altre parti de la nostra tera, magari co nomi diversi, ga el scopo de tegnere viva na tradision vecia de on fraco de ani, e 'ndā in pension, almanco uficialmente, co la distrusion de Venesia a opera de Napoleon.
Tutavia, grasie a l'inpegno de raquanti abitanti del posto, anca 'sto ano a Vilanova, grasie soratuto a l'asociasion"E Tradision", sta usanxa rivive.'Na ventena de persone,putei e ansiani co pignate, busoloti e tuto queo che podese far casin, ga girā el paese par na mexoreta bona;e dopo, tuti a beare on goto de vin brulč scoltando on fiā de canson tipiche de la nostra tera, come "Me conpare Jacometo".
'Na belisima inisiativa, ben riusida e otimamente organisā; pecā solo, come gā sotolineā anca F. Minto, el tenpo. "L'ano pasā -dixe el presidente de l'asociasion promotrice de sto evento- jerimo anca tanti de pė. Despiaxe, ma l'inportante xe ricordare ea nostra storia". E niantri no podemo che esare d'acordo co ea!

A. Recaldin

_________________________________________________

» VARDA LE FOTO DEL BATIMARSO