STANPA

Intel'ano 1699 se jera conclusa Ła guera tra l'Impero Ottomano e Ła Republica Veneta, co Ła vitoria deŁa Serenissima, che gavea cosida alargŕ el so dominio anca aŁa Morea (Grecia). I turchi bramava de reimposesarse dei teritori persi, e el Senato venesian jera consapevoŁe del pericoŁo, e perciň se trovava col problema de difendare sti teritori co adeguata trupa de tera.
El fato xe che Venesia disponeva de na flota de potensa formidabiŁe, ma Łe forse terestri jera masa esigue par tuto el vasto dominio. Perciň i gavea proveduo de concentrar Łe forse in pochi capisaldi, ke nel caxo i fuse sta atacadi, se podese socorarli coŁa flota. Difati in tei primi mesi del 1715, i Turchi tacava na ofensiva contro Ła Morea e isole darenti, trovando poca rexistensa, che iludeva i musulmani de poderse fasilmente impadronir deŁe isole Ionie.
El fato xe ke ste isole jera strategiche par Ła Republica Veneta, vista Ła so poxizion, e sta baldanzoxitŕ turca Ła spaventava anca l'Austria, xa impegnŕ in Bosnia a contegnere Ła presion otomana. Sfrutando Ła situasion, el Senato domandava al'Austria de jutarli, e sti qua se gŕ rifiutŕ de darghe soldati, uficiaŁi e armi, come richiesto dai Veneti, ma i se jera impegnŕ a afrontar i Turchi par tera , aprofitando ke sti qua i se catava impegoŁai in do fronti. E forse austriache jera comandade dal lejendario Principe Eugenio von Savoje, e sto qua el gavea dŕ consiglio Ła serenissima de afidar el comando deŁe soe, al conte Johann Mathias von Schulembug de Sassonia, parkč el gavea vudo modo de apresarne el valore in vicende ke li gavea visti sia nemici che contendenti.

L'ataco dei Turchi jera travolgente: dopo on brevisimo asedio l'isola de Santa Maura se arendeva e Łe orde musulmane pontava drite so Corfů. Venesia soŁecitava i vari regni europei a cederghe trupe mercenarie, ma e risposte jera lente e tardive: quando ke Ła flota turca se presenta soto Corfů, Ła conta 30.000 omani, rispeto ae 5.300 prexense del presidio Veneto ( di cui na bona parte maŁadi). El Schulemburg riva a Corfů el 15 de Febraro del 1716, e inisia subito grosi lavori de rinforso deŁe fortificasion, anca se tanti abitanti del'isola , spaventadi pa l'arivo iminente dei turchi ( impietoxi e crudeli co ki ke no jera musulman), i taja Ła corda par riparar in meridione. Schulemburg el manda na lista a venesia, co i nomi de uficiali, ingegneri, artiglieri, artificieri ke el voŁeva ghe fose inviŕ.
L'8 de aprile el Principe Eugenio el informa Sculenburg ke i Turchi ga concentrŕ on pasto de navi a Butrinto e a Saida, e ke l'ataco a Corfů iera da spetarse presto. Schulemburg, decide de informar soŁo pochi de sta grave notisia, pa no sparxar el panico in te Ła popolasion, e intanto ke l'acelera el lavoro de fortificasione e ke el spedise corieri a Venesia a domandar trupe e viveri, el se imbarca inte l'Armata Grossa par ndarghe incontro ai turchi. El spera , co Łe so 26 navi comandae da Andrea Correr, de afrontarli in mare fin ke i xe carghi de munision , omani e fornimenti, e quindi poco agili e co dificoltŕ a difendarse. El dirige verso Zante, par sbararghe Ła strada del mar Jonio.

13 de Aprile riva na misiva da Venesia ke xe sta firmada na aleanza tra Ła Republica Veneta e l'Austria par combatare insieme i Turchi. Sta notisia vien difusa co gran risalto. Intanto i Turchi, par fortuna o parkč i jera informadi, i gira al largo de Zante e i se cata libari dirigere so Corfů.

El 1° de Luglio Schulemburg rientra a Corfů, e le 5 del steso mexe, l'armata Otomana formada da 62 vele e comandŕ dal Pachŕ Janun Hogiŕ Ła xe avistada int'el streto de Cassopoco. Andrea Pisani, comandante de l'Armata Sottile (galere a remi), restada in porto, el riceve l'ordine de contrastar el sbarco: ma pare ke l'avistamento de naltra consistente flota nemica lo costrinxe a rinunciare al'impresa. El marescialo Schulemburg vien informŕ da Venesia ke xe in arivo on convoglio de rinforsi, ma ke purtopo nol jera scortŕ. E aŁora el decide de mandarghe incontro l'Armata Sottile, pena rientrŕ in porto. A sta vista de navi ke dirige verso ocidente a tuta velocitŕ, Ła popolasion vien ciapŕ dal panico, par paura de na ritirata dei Veneti.

El 6 e el 7 de Luglio Schulemburg dispone Łe trupe deŁa Serenissima: savendo ke Ła tatica preferida dai turchi xe l'asalto in masa, ke ghe dava el vantajo de procuare panico tra i difensori, el marescialo crea na linea de rexistensa giusto in boca a dove se podeva prexumare el sbarco. In sta maniera el pensava de crear dei buxi inteŁe file del nemico e ralentarne l'asion. Dai so raporti rixultava abiŁi 300 Alemanni, 293 Veneti, 726 Oltremarini e 293 Greci, comprexi anca i uficiaŁi, i pifari e i tamburi. Staltra trupa rixultava in condision de no servire in bataglia. El da ordine de ciapar poxision e de racatar su sassi, travi e qualsiasi roba posa servire par raŁentare na scaŁada dei muri difensivi. L'ordina anca de afondar tute Łe barke in porto, par no ŁasargheŁe ai turchi, e dopo el piasa 100 omeni sol scoglio de Laido.

I turchi, ke conta neŁe so file anca qualke francese e napoletan, i scandaglia el porto par paura de ndarse a arenare,e i decide de sbarcare nel'isoloto de Vigo, de fronte a Corfů, l'8 de luglio. El Pachŕ lo ocupa co 6.000 guastatori e 4.000 gianizeri, ke lo fortificŕ e ghe piasa i cannoni piů potenti.Fato questo, i turchi sbarca migliari de soldati e 3.000 cavalieri soŁa spiaja de Ispo a Corfů, acampandose e preparandose par l'asedio. Schulemburg, ke vede na sproporsion teribiŁe de forse in campo, tenta de organizar qualke compagnia de Corfioti locali, e li afianca ai Greci. Dopo el manda dei volontari in volta par l'isola a verificare ke no ghe sia altri sbarki. Sempre l'8 de luglio riva notisia ke l'Armata Grossa, ripartida daŁe coste pugliesi, Ła se ga scontrŕ co na flota turca a Cassopoco, e dopo averla sbaragliŕ, Ła se dirige a Corfů.
9 luglio: aŁe 6 de sera i turchi sbarca altri soldati e artiglieria e i par pronti a lanciarse al'ataco. Schulemburg fa ciapar poxision anca ai omani inabili, purkč in grado de prexidiare na poxision. 12 de luglio:i Veneti stima in 12.000 i soldati pronti al'ataco, piů e baterie de cannoni. 16 de luglio,ghe xe i primi scontri: i turchi vien vanti co cautela co patuglie par esplorae el tereno. Schulemburg ghe manda incontro deŁe compagnie de Greci e de Ebrei, che li afronta co valore, i ne copa 6 e ne fa prixoniero 1, ke el darŕ informasion sol nuamro e soŁa poxision dei asalitori.

18 de luglio: riva scortŕ da l'Amata Sottile, el convoglio da Venesia co fornimenti e milizie. Verso sera riva anca 4 navi maltesi comandae da Bella-Fontainke e se unise aŁa flota Veneta. Schulemburg el mete 100 Alemanni, 100 Veneti e 100 Oltremarini sul monte d'Abramo ( on bastion fortificŕ ke jera de fronte aŁe forse turche), 200 tra Veneti e Oltremarini sol monte S.Salvatore ( naltro bastion) e 250 granatieri sol retro del'ospedaŁe, pena drio el monte d'Abramo. 20 de luglio, sicome i turchi no se decide de atacar, Schulemburg el ga paura ke i sia drio spetar altri rinforsi e aŁora el manda l'Armata Grossa a tendare el campo Turco, e eventualmente a tentare na asion de forsa contro Łe navi nemike.

21 luglio, na grosa flota de navi Pontificie, SpagnoŁe, Toscane e Genovesi, comandae dal priore F.M. Ferretti, vien darghe sostegno ai Veneti, prova ke Ła diplomasia Venesiana se jera mosa, e Ła jera riusia a prexentare l'ataco Turco come n'ataco aŁa Cristianitŕ, ricevendo ajuto daŁe Corti piů devote al Papa. Nonostante sti rinforsi, anca se solecitŕ da staltri amiragli aleati, Andrea Pisani, a capo deŁa flota Veneta, preferise evitar Ło scontro e se limita a qualke scaramucia sensa importansa.

24 luglio, i turchi i sfera on potente asalto, ke grasie aŁa bona dispoxision deŁe artiglierie decixa da Schulemburg, e direte dal comandante da Riva, vien respinto. 25 luglio: i Turchi tenta naltro assalto presso el borgo de Manducchio, ma Ła difexa de Schiavoni e Greci riese a resistere. 29 luglio. On sentenaro de cavalieri Turchi se visina co altra trupa al monte d'Abramo. El tenente colonelo Macedonia, co 400 Oltremarini e Greci, i afronta ( nonostante Schulemburg gavese dito de no spinxarse al scoverto) e , perdendo pochi soldati, el fa 200 morti ai Turchi. anca se contento de l'andamento del scontro, Schulemburg ghe ordina de fermare el contrataco e de rientrare in difexa. I Turchi, daŁa poxision de Chiesalmanduchio, i bombarda Ła citŕ. El Schulemburg ordina el frazionamento e Ła protesion dei depoxiti de polvare.

1 Agosto. Janun Hogiŕ el decide par n'asion de forsa contro i monti de Abramo e de San Salvatore, impiegando e so mejo trupe. El scontro dura 3 dě, al termine dei quaŁi el monte San salvatore, difeso dai Alemanni ke i se ritira , vien perso. In sucesion vien perso anca el monte d'Abramo, malgrado Ła difexa eroica dei Schiavoni, ke perde inteŁa bataglia el comandante Maina, copŕ da na scarica de moscheteria. 2 Agosto: xe Ł jornada piassč critica, parkč i Turchi i completa Ła costrusion deŁe paralele ke parte dal borgo de Manduchio a oltre Łe saline, e Łe ocupŕ co na gran quantitŕ de fanteria e sventolio de bandiere.El 4 de Agosto, ritegnendo i asediai al stremo e mostrando de esare pronti par l'asalto final, i manda n'araldo co bandiera bianca a parlamentare, ofrendo salva Ła vita ai ocupanti, in cambio deŁa rexa sensa condision deŁa Piazaforte. El proveditore deŁe 4 isole Loredan manda el dragomano Bartolomeo Bruni e el magiore Sardina a parlamentare col comandante Turco Mohamed Cossa e el serraschiere Kara Mustafŕ. No se conose e proposte dei Turchi, ma soŁo Ła risposta del Proveditor GeneraŁe de Corfů, Da Mosto, ke manda a dire ke el spedirŕ e ciave deŁa citŕ coŁe baŁe dei canoni.

6 Agosto, asalto aŁa piazaforte. I Turchi i tente de portare deŁe baterie de canoni fin sora monte San Salvatore e monte d'Abramo, ma Ła rexistensa dei asediai li costringe a ndare a rilento. El Schulemburg se lagna par el mediocre funsionamento dei sciopi e dei canoni venesiani ( el comandante del'artiglieria jera l'Alberghetti). 5 de Agosto: riva Ła nave del comandante Inglese del convoglio de 5 navi co 1.500 omani, mandi in rinforso da Venesia, ke el xe vegnesto a verifiacr Ła situasion. El riferise ke staltre navi xe a Brindisi e ke el Pricipe Eugenio ga vinto i Turchi a Petervardino. Ghe vien dito de ripartire subito e tornare coi rinforsi. Schulemburg ordina ai generaŁi Jegher e Sala de ispesionare el fossato, ndove se cata do compagnie de minatori vegneste dal'Olanda, comandae da i capitani Follati e Pandon. 13 Agosto, on consuntivo deŁe perdite patie fin deso xe de 20 uficiaŁi e 500 soldati, tra morti e feriti. 15 de Agosto, riva finalmente e 5 navi Inglesi coi 1.500 soldati, in major parte Alemanni, e de cui 300 maladi e non abili. Schulemburg li organiza in freta , badando ke ogni corpo gabia uficiaŁi deŁa propria lengoa. 18 Agosto: Schuelmburg el piasa 400 omani preso on camin coperto e 200 aŁa porta Raimonda, e el tenta na sortia co 200 soldati Alemanni e Schiavoni, comndai dal col.Pacmor e da on colonelo dei Oltremarini, co l'ordine de ciapar prisonieri in modo da carpire informasion presioxe. L'impresa falise, e vien persi 60 omani ( tra cui 3 uficiaŁi e on sergente). 19 de Agosto: 3000 gianizeri i asalta co scaŁe, siabole, mase ferade el bordo difensivo, difexo da 400 Alemanni ke i aretra sense sparae on colpo. El bastion vien conquistŕ dai Turchi ke ghe piasa Łe so bandiere. Visto el suceso, i Turchi se lancia al'asalto deŁa Forteza Nuova, el corpo principale: xe na mischia sanguinoxa. I civili scanpa terorizai, Łe porte xe invese eroicamente difexe dai Veneti, comandai dal gen. Sala. I Veneti pasa al contrataco, per riciaparse el teren, Loredan e da Riva i compie prodigi de valore. El scontro xe totaŁe e Łe cronake me tramanda on epixodio in cui Veneti, Alemanni e Schiavoni, guidai da on francescano ke impugnava on crocefiso, i travolge i Turchi ke godeva anca del sostegno del'artiglieria. In sti scontro more anca l'ingegnere francese La Riviere. Ła reasion ga suceso e aŁa fine tantisimi Turchi xe partera masacradi, e i Veneti riciapa poseso dei spalti, e de 36 bandiere Otoamne. I Venesiani conta 300 tra morti e feridi, i Turchi 1.200. Alcune fonti fa ndare sto ultimo numaro a 3.000.

20 de Agosto: se scadena on uragano improvixo . I trinceramenti vien alagai, Łe polveri turche xe bagnade. I musulamani tenta on asalto disperato aŁa porta raimonda, ma el vien respinto. 21 de Agosto, continua i tiri de artiglieria tra asediai e agresori, vien notai movimenti tra Łe trupe turche, sensa capirne el scopo. 22 de Agosto: i Turchi se xe reimbarcŕ, e i lasa a tera canoni, cavaŁi, fornimenti! 24 de Agosto: festa a Corfů par Ła fine de l'asedio! 25 de Agosto, Ła flota turca , inseguita dal Pisani, se alontana a tuta freta.

Ła guera contro Ła Porta Otomana continua, grasie anca ai grosi rinforsi ke scomisia rivare da Venesia, on ano dopo , nel 1717 Schulemburg ga riciapŕ Prevexa e Vonizza, e nel 1718, penŕ tacŕ l'asedio de Dulcigno, vien da l'ordine de sopendar Łe operasion, parkč l'Austria, sensa el consenso de Venesia, ga firmŕ a Passarowitz on tratato de paxe coi Turchi. Sta mosa de Viena, secondo tanti storici, Ła vien fata par arestare i sucesi militari deŁa Republica Veneta, ke jera drio reimposesarse rapidamente de i teritori persi al prinsipio del'ofensiva Turca. El Paschŕ Janun Hogia tornŕ a Costantinopoli, el vien arestŕ e condanŕ par l'insuceso militare.