STANPA

PERASTO - DALMAZIA - 23 AGOSTO 1797
Diskorso de 'l kàvedan de mar


Il 12 maggio 1797 tramontava la Repubblica Veneta; in diverse zone, però, le popolazioni continuarono a rimanere fedeli alla Repubblica anche nelle settimane, nei mesi successivi.

E’ il caso di Perasto, località sulle bocche di Cattaro (Dalmazia, ora Montenegro), che solo il 23 agosto 1797, proprio in questi giorni quindi, ammainò la Veneta bandiera del Leone di San Marco.

E le parole di saluto del capitano Giuseppe Viscovic sono di una intensità straordinaria:

"In sto amaro momento, ke làcera el nostro kor, in sto ultimo sfogo de amor, de fede al Vêneto Serenìsimo Domìnio, al Gonfa£on de £a Serenìsima Republika, ne sia de konfòrto, o çitadini, ke £a nôstra kondota pasada e de sti ultimi tenpi, rende no solo pì justo sto ato fatal, ma virtuoxo, ma doveroxo par nù.
Savarà da nù i nôstri fiu£i, e la stòria del xorno farà saver a tuta l’Eurôpa, ke Perasto ga denhamente sostenudo fin a l’ultimo l’onor de ‘l Vêneto Gonfa£on, onorandolo ko sto ato so£êne, e deponendo£o banhà del nôstro universal amarìsimo pianto. Sfogémose, çitadini, sfogémose pur, e in sti nôstri ultimi sentimenti ko i kua£i sijilemo la nôstra glorioxa kariera koresta soto a ‘l Serenìsimo Vêneto Varno, rivoljemose vèrso sta Insenha ke £o raprexenta, e su de e£a sfogemo el nostro do£or.

Par trèçentosetantasête ani £e nôstre sostanthe, el nôstro sàngue, £e nôstre vite le xe sta'e senpre par Ti, o San Marko; e fede£ìsimi senpre se gavemo reputà Ti ko nù, nù ko Ti; e senpre ko Ti su ‘l mar nù semo sta'i ilustri e vitorioxi.

Nisun ko Ti ne ga visto skanpar, nisun ko Ti ne ga visto vinti e spauroxi!

E se i tenpi prexenti, infe£içìsimi par inprevidensa, par disension, par arbìtrii ilega£i, par vìçii ofendenti la natura e el jius de le jenti, no Te gavese tolto da l’Italja, par Ti in perpêtuo sarave le nôstre sostanse, el nôstro sàngue, la vita nôstra e, pitôsto ke véderTe vinto e dexonorà da i tui, el korajo nôstro, la nôstra fede se gavarave sepe£io soto de Ti!

Ma xà ke altro no ne rêsta da far par Ti, el nôstro kor sia l’onoratìsima to tonba, e el pì puro e el pì grando to elôjo le nostre £àgreme!"