La Festa dei Veneti xe l'evento culturale pì grando organixà in Veneto dedicà a la cultura e a la identità veneta!
Ninte politica ma solo tanta voja de conósar, de sostegner e valorixar tuto quelo che xe cultura veneta, da le tradisión a la muxica, dai mestieri tradisionali a la cuxina e ai prodoti tìpisi.
Ghemo na identità da riscovèrsare, da difèndare e da amare.
L'ano pasà a la sesta edisión de la Festa dei Veneti ga partesità pì de 30.000 persone! On nùmaro che crése on mucio àno dopo àno, a dimostrasión de quanto la nostra xente ghe tien a le so raixe e a la so cultura.
Anca sto ano la Festa dei Veneti la se tegnarà a Sitadela (Cittadella - PD), on paexe veneto belìsimo, pien de storia, co belìsime le mura antìghe. Sitadela se trova praticamente in mèxo al Veneto e donca xe fàsile da rivarghe!
Col Patrosinio de: Rejón e Provinse del Veneto e de raquanti Comuni.
PA DAR NA MAN A LA FESTA O PAR INFORMASION:
Enrico (Treviso) 340 39 94 672
Gabriele (Padova) 380 51 36 083
Massimiliano (Vicenza) 349 53 84 998
Alberto (Venezia) 347 10 15 522
Giorgio (Verona) 347 13 01 671
o via e-mail a: info@raixevenete.net
La Festa dei Veneti del 5 de setenbre la xe antisipà da on inportante Convegno dal titolo "Dal plebiscito del 1866 al futuro del Veneto", organexà par vènare 3 de setenbre ore 20.30 in piàsa in centro stòrico a Sitadela/Cittadella (o in caxo de piova inte la Sala "Torre di Malta" senpre a Sitadela).
Conduce Luigi Gandi.
Sabo 4 de setenbre SERATA SPRITZ VENETO co concerto de i Taaz Borrough e del grande Herman Medrano, muxica Rap in lingua veneta! Da le ore 19 in piàsa a Sitadela sarà verto el stand de magnare e bévare in piàsa in centro stòrego!
La Festa dei Veneti organexà a Sitadela (Cittadella - PD) par doménega 5 de setenbre 2010, la sarà na jornada dedicà tuta ai Veneti, ale nostre tradisión e a la nostra cultura, co spetacoli, cultura e divertimento, da la matina fin note.
El xe on evento unico, indove ghe sarà anca on mucio de grupi e de asociasion culturali, co la voja de sostegner e de valorixàr le nostre tradisión venete, vero patrimonio de tuti i veneti.
Anca sto ano la Cultura Veneta la sarà la protagonista de la Festa: par tute el dì sol palco ghe sarà spetacoli de artisti, cabaretisti, muxicisti e cantanti.
Ghe sarà anca la posibilità de catare prodoti tìpisi de la nostra tèra, on stand gastronòmico grando e de bìra Pedavena e tanti espoxitori co materiale de arijanà, cultura e identità veneta.
El novo volantìn pa la Festa dei Veneti 2010Struca so el volantin pa slargarlo
'))
'))
