Raixe Venete te invita al CAPODANO VENETO 2009!!!
FIACOLADA, EL BRUXAMARSO,
SÉNA VENETA E TANTO ALTRO 'NCORA...!
»[ a Xuliàn/Zugliano(VI) - solo su prenotasión ]«
FIACOLADA, EL BRUXAMARSO,
SÉNA VENETA E TANTO ALTRO 'NCORA...!
»[ a Xuliàn/Zugliano(VI) - solo su prenotasión ]«
Gheto mai provà pensare: setenbre > sète , otobre > oto , novenbre > nove , disenbre > diexe ..... Pai Veneti l'àno el scumìsia storicamente dal 1° DE MARSO!
La parola calendario la riva dal latìn “calendarium”, on rejistro dove che vegneva iscriti i pagamenti dei intarèsi o la restitusión dei capitali dei prestiti, che de solito se faxeva al primo dì dei mexi dei romani, le “calende”.
Se vardemo indrìo, i xe sta on mucio i calendari e i capodano che, intei secoli, i popoli i ga doprà: pai Grèsi l’ano el comisiava inte la seconda metà de Lujo; pal calendario lunare dei cinexi el capodano el se festeja fra el 21 de xenaro e el 19 de febraro e in mexopotamia, par fare on fià de exenpi, l’ano el scomisiava co’l plenilunio de primavera.
El capodano de la Republica Veneta (la Serenìsima) el se selebrava invese el 1° de Marso. Sta data la xe antica: pare difati che la fùse on vecio capodano europeo e anca l’inisio de l’ano relijoxo inte l’antica Roma, che lo ga ‘bandonà inte’l 153 a.C.
Intorno a l’ano 1000, ciamà “more veneto” (stile veneto), el vién adotà da la Serenìsima.
Par 8 secoli el primo de marso el xe stà el capodano dei Veneti, fin a l’arivo de Napoleón inte’l 1797 (anca questo el ne gà portà via...).
Da qualche àno a sta parte se xe tornà a “rianimare” el Capodano Veneto grasie in particolare a l’inpegno scumisià da Bepìn Segato e raquanti grupi culturali veneti.
El Capodano Veneto el xe na tradisión tipicamente veneta, na richésa in pì da valorixare e tegner viva!
Ve segnalemo anca n'altra inisiativa organixà senpre in ocaxión del Capodano Veneto pa sabo 28/02/2009:
Benvegnù inte'l sito de RAIXE VENETE - Và rento ala Home Page »