 |
 |
Co so£o voti a favor (e 2 astegnùi) el Consejo Rejonale del Veneto el gà aprovà la Proposta de Leje pa riconósare el veneto cofà Lengoa. So sta pàjina ve prexentemo i documenti e le varie tàpe che gà portà a sto inportante obietivo. Co sta leje vien finalmente tutelà e valorixà el nostro patrimonio lengoìstego veneto.
|
Sol 2009 el Consejo rejona le del Veneto el gà inaugurà on sito dedicà tuto a la Lengoa Veneta: www.linguaveneta.it
Iter Polìtico
12 de marso del 2004: el consejer E. Beggiato prexenta in Consejo Provinsiale de Vicenza la proposta de leje rejonale so la lengoa veneta
10 de majo del 2005: el Consejo Provinsiale de Vicensa vota co na majoransa granda la proposta de leje dal titolo "Tutela, valorizzazione e promozione del patrimonio linguistico culturale veneto" (so inisiativa del Consejer E. Beggiato - PNE)
3 de otobre del 2005: anca el Consejo Provinsiale de Trevixo aprova la proposta de leje so la lengoa veneta (so inisiativa del Consejer M. Prosdocimo - Lega) che, de fato, la ndarìa a riconósare el veneto cofà lengoa.
La proposta da sto momento la xe pasà in Rejon del Veneto.
8 de febraro del 2006: la Comisión Cultura in Rejón del Veneto dà el via lìbara a la proposta de leje pal riconosimento de la Lengoa Veneta.
Da sto momento la discusión la pàsa in Consejo Rejonale pa la discusión final e la aprovasión.
8 de febraro del 2006: la Comisión Cultura in Rejón del Veneto dà el via lìbara a la proposta de leje pal riconosimento de la Lengoa Veneta.
Da sto momento la discusión la pàsa in Consejo Rejonale pa la discusión final e la aprovasión.
28 de febraro del 2007: vién dimandà de antisipar la discusion so la proposta so la lengoa veneta in Consejo Rejonale. La proposta no la pàsa ma, de fato, la vincola a scumisiare a breve la discusion vera e propia.
Rejistrasión pùblica audio (trasmésa in direta dal sito del Consejo Rejonale):  scolta on-line
7 de marso del 2007: vién prexentà ofisialmente la proposta de leje in Consejo Rejonale e scumìsia la discusión co i interventi de tute le fòrse polìtiche.
Rejistrasión pùblica audio (trasmésa in direta dal sito del Consejo Rejonale): scolta on-line
28 de marso del 2007: vién aprovà in maniera trasversale da drita a sanca (destra a sinistra) la leje sol el riconosimento de la lengoa veneta!
Rejistrasión pùblica audio (trasmésa in direta dal sito del Consejo Rejonale): scolta on-line
|
 |
 |
Eventi e manifestasión
La proposta pa riconósare el veneto cofà Lengoa la xe stà dimandà e la xe partìa a l'inìsio da la nostra asociasión Culturale Veneto Nostro - Raixe Venete, insieme a tute st'altre asociasión e grupi del Coordinamento Asociasión Venete CAV.
A sostegno de sto inportante riconosimento xe stà organexà tuta na serie de eventi e manifestasión sol teritorio del Veneto:
5 de setenbre del 2004: in ocaxión de la prima Festa dei Veneti a Sitadela (PD) xe organexà na manifestasión/cortèo intorno a le mura de la sità pa dimandar ai polìtisi vèneti de riconósare la lengoa veneta.
4 de setenbre del 2005: in ocaxión de la seconda Festa dei Veneti a Sitadela (PD) xe organexà na manifestasión/cortèo intorno a le mura de la sità pa dimandar ai polìtisi vèneti de riconósare la lengoa veneta e de insegnarla inte le scole de la nostra Rejon.
Vien catà sù mejara de firme so cartoline da mandar dopo ai polìtisi in Rejon.
13 de setenbre del 2005: a Palàso Balbi, sede de la Junta Rejonale, el vice-presidente de la Rejon del Veneto Luca Zaia el gà ricevésto da la asociasión Raixe Venete pì de 5.000 cartoline firmà a sostegno del projeto de leje pa la lengoa veneta.
So ste cartoline se dimanda al Presidente Giancarlo Galan e a tuta la Junta de inpegnarse pa far pasàr sta leje prima che se pol. Anche Zaia firma pal riconosimento de la lengoa veneta.
15 de otobre del 2005: la asociasión Veneto Nostro - Raixe Venete organixa la "Manifestasión pal riconosimento de la Lengoa Veneta" a Venesia. Ghe partesipa on mejaro e pì de persone, pa dire tuti insieme che semo Veneti e che pretendemo che la Rejon la riconósa oficialmente la nostra Lengoa
3 de setenbre del 2006: pì de 30.000 persone partèsipa a la Festa dei Veneti 2007 dimandando tuti insieme che i partiti in Rejon i aprovi prima posìbile la leje pa riconósare el veneto Lengoa.
6 de marso del 2007: vién fora stanpà el novo Disionario VENETO-INGLEXE INGLEXE-VENETO (Venetia-English English-Venetian) co pì de 30.000 parole. Se trata del primo disionario veneto-inglexe, prodoto da Lodovico Pizzati che vive in America.
A conplimentarse pa sta inportante inisiativa a sostegno de la Lengoa Veneta gà scrito a l'autór lengoisti de fama mondiale, fra i quali profesóri de:
Institute of Linguistics, Taipei, Taiwan
Univ. of Hong Kong
University of South Carolina
University of Kansas
North Eastern Illinois University
Columbia University
Southern Illinois Uniersity
University of Texas
Salk Institute for Biological Studies
University of Michigan
Massachusetts Institute of Technology
University of Maryland
Michigan State University
University of Pennsylvania
University of California
University of Chicago
University of Delaware
Da segnalare fra tuti le parole de Noam Chomsky, el pì gran lengoìsta al mondo che, in riferimento al primo disionario Veneto-Inglexe / Inglexe-Veneto gà scrito "Glad to hear of what you are doing. I strongly support such efforts [...]": son propio contento de sentir quelo che te sì drio fare. Mi sostegno co fòrsa sto tipo de inpegno [...].
|
|
|
 |
