Manifestasion pal riconosimento de £a £engoa Veneta - Manifestazione per il riconoscimento della Lingua Veneta

Sabo 15 de otobre xe stà na data on mucio inportante pa tuti i Veneti: a Venesia xe stà organexà difati na manifestasión granda co on cortèo che xe partìo da la stasión dei treni, tuti insieme pa dire che semo Veneti e che pretendemo che la Rejon la riconosa oficialmente la nostra Lengoa - sto riconosimento lo ga xà i furlani, piemontexi, sardi e tanti altri.
Semo stà in tanti, e tanti de chi che xe vegnésti a manifestar xera xovani, toxati e toxate che ga a core la so cultura e che no i vol fàrsela scancelare da nisuni!
La proposta de leje pal Riconosimento de la Lengoa Veneta l xe ferma in Rejon e dimandémo co forsa a tuti i Consejeri Rejonali de darse da fare pa discùtare a aprovar in prèsa sta inportante proposta.
Co la pasarà se podarà portar la lengoa e cultura veneta inte le scole, come materie facoltative, intanto pa scumisiare; se metarà cartèi in veneto insieme a queli in 'talian fora da tuti i paexi del Veneto, vegnerà uficialixà na grafìa veneta unitaria da na comisión de esperti e de lengoisti e tanto altro 'ncora.