L'Evento
La staféta "da San Marco a San Marco" la nàse dal la idea de la Asociasión Veneto Nostro - Raixe Venete, in colaborasión co la Rejon del Veneto.
Se trata de on Evento unico inte'l só jènere, culturale e oviamente no politico, organexà co la voja e la pasión che da senpre móve la nostra Asociasión: difóndar e valorixàr la Cultura, la Lengoa e la Memoria Stòrica dei Veneti, on Popolo che'l xe stà grando inte la storia e che dèso, finalmente, el xe drio tornar cosiente de la só Identità.
La inisiativa de la Marcia "da San Marco a San Marco" la fà parte de le celebrasión rejonali de la Festa del Popolo Veneto. Sol 2007, difati, el Consejo Rejonale del Veneto el gà aprovà na Leje (8/2007) che, de fato, oltre a 'ver dà el riconosimento oficiale al veneto cofà vera e propia lengua [ www.linguaveneta.it ], el gà istituìo pal 25 de Marso la Festa del Popolo Veneto.
Pa 6 jorni pì de 100 volontari stafetisti i se darà el canbio - chi de corsa e chi a pie - portando da Piàsa San Marco de Tóri del Benaco sol Lago de Garda (frasión Pai de Sora) fin Piàsa San Marco a Venèsia la Bandiera Veneta, pasando par tuta la Rejón del Veneto da na parte a st'altra.
So la fine de la staféta, el Gonfalon "testimone" de la Marcia el vegnerà consegnà diretamente al Patriarca de Venèsia, insieme ai tanti doni oferti drio el percorso da le varie aministrazioni comunali.
La staféta "da San Marco a San Marco" la sarà anca pa sto àno donca na inisiativa on mucio inportante, che la jutarà ncor de pì i i Veneti a riscovèrxare valori grandi che i xe ncora vivi fra la nostra xente, in maniera da far crésar insieme la volontà de métar insieme le fòrse e de far squadra pà costruìr, come che xe stà pa la só gloriosa Storia, on novo grande Futuro.
ISCRÌVATE e partèsipa anca ti a la Marcia!
Se trata de on Evento unico inte'l só jènere, culturale e oviamente no politico, organexà co la voja e la pasión che da senpre móve la nostra Asociasión: difóndar e valorixàr la Cultura, la Lengoa e la Memoria Stòrica dei Veneti, on Popolo che'l xe stà grando inte la storia e che dèso, finalmente, el xe drio tornar cosiente de la só Identità.
La inisiativa de la Marcia "da San Marco a San Marco" la fà parte de le celebrasión rejonali de la Festa del Popolo Veneto. Sol 2007, difati, el Consejo Rejonale del Veneto el gà aprovà na Leje (8/2007) che, de fato, oltre a 'ver dà el riconosimento oficiale al veneto cofà vera e propia lengua [ www.linguaveneta.it ], el gà istituìo pal 25 de Marso la Festa del Popolo Veneto.
Pa 6 jorni pì de 100 volontari stafetisti i se darà el canbio - chi de corsa e chi a pie - portando da Piàsa San Marco de Tóri del Benaco sol Lago de Garda (frasión Pai de Sora) fin Piàsa San Marco a Venèsia la Bandiera Veneta, pasando par tuta la Rejón del Veneto da na parte a st'altra.
So la fine de la staféta, el Gonfalon "testimone" de la Marcia el vegnerà consegnà diretamente al Patriarca de Venèsia, insieme ai tanti doni oferti drio el percorso da le varie aministrazioni comunali.
La staféta "da San Marco a San Marco" la sarà anca pa sto àno donca na inisiativa on mucio inportante, che la jutarà ncor de pì i i Veneti a riscovèrxare valori grandi che i xe ncora vivi fra la nostra xente, in maniera da far crésar insieme la volontà de métar insieme le fòrse e de far squadra pà costruìr, come che xe stà pa la só gloriosa Storia, on novo grande Futuro.
ISCRÌVATE e partèsipa anca ti a la Marcia!
Parché "Da San Marco a San Marco"?
"Da San Marco a San Marco" parché xà col nome se vol riciamare ala mente el Patrono veneto sinbolo amà de splendor da pì de mile àni co la Republica Serenìsima. Tuti quanti nialtri, almanco na volta inte la vita, el xe stà a Venèsia - la "sità de i Veneti" - e in particolar in Piàsa San Marco; pochi i sà parò che propio da st'altra parte a osidente de la nostra Rejón ghe xe on paexéto sol Lago de Garda co na Piàsa dedicà anca lì al nostro Patrono. Sto fato ne parméte de crear na linea imajnaria che la 'traversa da sanca a drita (da sinistra a destra) tuta la nostra Rejon e che la ligarà insieme idealmente co sto evento tuto el Popolo Veneto, dal lago al mar.
Parché na staféta?
La staféta la raprexenta on exenpio de la solidarietà e del senso de unión che si forma fra i partesipanti che, faxendo ognión on tocheto de percorso, i si scanbia on testimone che idealmente li liga fra de lori: pa sto Evento el testimone el sarà la storica Bandiera Veneta de San Marco, che vegnarà pasà da man in man.
Co la colaborasión de Eject Project
