|
La Asociasión VENETO NOSTRO - RAIXE VENETE organixa:
GITA IN TE LA ANTICA STORIA DEL CADORE VENETO
Sabo 26 Aprile 2003
El Muxeo de Pieve de Cadore
Rento al museo, so la sanca se trova na dedica ai Cadorini del 1848 ke la dixe:
|
IL GOVERNO PROVVISORIO
DELLA REPUBBLICA VENETA
Ai Popoli del Cadore
Voi che allo straniero faceste piu' volte sentire come il vostro braccio sia non men forte a combattere i nemici, che il cuore ad amare gli amici, voi che nelle vostre chiese conservate ricordanza viva delle patrie vittorie vostre: voi che l'antica Repubblica Veneta chiamo' fedelissimi e che tra i primi vi uniste cordialmente alla nuova; vedrete gli antichi privilegi vostri mutati in comuni diritti. Voi che nel puro cielo de' vostri monti respirate, cum'aria la liberta', vi sentirete piu' liberi e lieti, sapendo che a questo retaggio prezioso partecipano i vostri fratelli. Conservate intatta la schietezza degli antichi costumi da qui viene costanza al sentire, al vivere dignita'. Il tesoro delle tradizioni e delle consuetudini è tra tutti il piu' sacro. CADORINI, credete all'affetto nostro, e noi al vostro crediamo, perche' sappiamo bene che le anime sincere sono le piu' generose ed ardenti.
Venezia, 5 Aprile 1848
Il Presidente
MANIN
TOMMASEO
Il Segretario J. ZENNARI
Francesco Andreola Tipografia del Governo provvisorio della Reppublica Veneta
|
Rento al muxeo podemo catare anca dei simeli de Pietro Fortunato Calvi, ke el ga organixà la resistensa Veneta del Cadore. Secondo mi, pì inportante 'ncora xe i vestiti e el s-ciòpo de Don Ignasio da Venas, ke el copava i ostrìasi e el ghe dava la sacra unsión so on colpo solo; questi sì ke i xera preti boni!
Pecà ke sti omeni o, mejo 'ncora, eroi Veneti, ke se ga sacrificà par la rinata Repubblica Veneta del 1848, i vegna fati pasar par eroi del risorjimento 'talian.
El muxeo el ga on mucio de reperti dela storia Veneta dai pì resenti, come cipi de confìn dela Serinissima, ale armi dei soldà Veneti e altro. La roba pì antica xe, par exenpio, i reperti Paleoveneti e celti tipo statuete, plake e sinpule votive co iscrisión in Veneto antico, armi dei guerieri Veneti antiki e zoge (joieli) in oro de fine realixasión.
A me avixo el muxeo de Pieve el xe secondo solo ke a quel de Este come inportansa de storia antica e par questo ritegno ke sia justo par on Veneto 'ndar a vedarlo almanco na volta in te la so vita, par rendarse conto ke rica e, in tel tenpo steso, mal tratada ke la xe la storia nostra.
Lagole de Calalzo
 A Lagole ghe xe le fonti dove ke i Antiki Veneti traeva l'aqua ke i doprava come medesina: el sito el xera de sicuro on tenpio dedicà ala dea Triumsirati o Reithia, la dea mare Veneta fonte dela nostra orijine, secondo la tradisión. In sto posto de sicuro i nostri avi i insegnava anca a scrivar e lexar la nostra vecia lengua, basta vedar i ex-voto, come statuete votive co iscrisión e tavolete senpre scrite, par non desmentegarse dele sinpule (simpule), na specie de sculiér de metalo co on manego longo, dove ke vegneva scrita na preghiera o el nome di ki ke gavea fato la cura e dopo el vegneva lasà davanti el tenpio finida la cura fata.
El posto el mantién 'ncora na s-cianta dela so belesa, anca se el vién doprà par la istà coma logo de balneasión e de sora ghe pasa la ferovia; se pol propio concludar ke el xe stà 'talianixà.
Porto de Perarolo
Perarolo de Cadore el xera ciamà el 'porto de Perarolo', parké la Piave da qua scomisiava a esar navigabile. I nostri Veneti qua i gaveva costruìo na Stua, ke la xera na specie de diga dove ke i fermava la legna tajada dal bosco de San Marco (foresta ke la comunità del Cadore in tel XIV secolo la ga donà ala Republica Veneta); sta legna dopo la deventava xatere, ke le servia al trasporto dele merci fin tuta la Piave e dove ke, rivada al Arsenal a Venesia, la servìa par costruìr le navi Venete e le fondamenta dele Vile de Venesia.
LA JORNADA
Questi xe i posti ke visitaremo in te la jornada del 12 Aprile 2003; premeto solo ke par vedar le belese del confìn Veneto del Cador ghe voria on ucio de stimane e ANI PAR TUTE LE BELESE VENETE. Mi so on dì ve farò vedare solo ke na minima parte de tuto questo, co la speransa de poder dar co sta vixita on input a tuti quei ke vol far conosar i so loghi storisi in tute le altre provinse dela Republica Veneta, organixando altre jornade tipo questa.
Intinerario
1) Partensa ore 9.30 dal Caxelo de l'autostrada de Treviso Nord - el ritrovo
2) Muxeo de Pieve de Cadore
3) Magnatoria (se magnarà in te na ostaria/tratoria del posto)
4) Lagole de Calalso
5) Porto de Perarolo
6) Ritorno previsto a Trevixo par le 18.30 sirca
Par info: 3402719699 Pierluigi
Via mail: poisato@inwind.it
|
Tenpo |
Distansa |
Istrusión |
| 9.30 |
- |
Partensa: caxelo de l'autostrada de Treviso Nord |
| 10.30 |
89,8 |
Arivo a Pieve de Cadore |
| 13.35 |
92,3 |
Arivo a Lagole de Cadore |
| 14.55 |
106,2 |
Arivo Perarolo di Cadore |
la jita xe organixà da Pierluigi - Poisato
|
