|
REGOLE DE SCRITURA E LETURA IN VENETO
Par fasilitare i letori ke par la prima volta se avisìna ala lengoa veneta scrita elenkemo le regole prinsipali ke ghemo seguìo sol nostro jornale e so sto sito, salvo el fato ke lasemo libertà de scrivare secondo anca staltre regole riconosude dal “Manuale Grafia Veneta Unitaria” edito da la caxa editrice 'La Galiverna de Batalia Terme' e comisionà dala Rejon del Veneto sol 1995.
Prima de tuto, la lengoa veneta no la ga dopie.
Consonante sorda S: come baston (bastone), salgaro (salice), sòto (zoppo)
Consonante sonora X: se dòpra la X so quatro caxi:
1) soa tersa persona del’indicativo prexente del verbo èsare: xe (è, sono);
2) tra vocali: piaxe (piace), doxe (doge), luxe (luce), roxa (rosa), dixe (dice);
3) quando ke la segue na consonante: pianxe (piange), vèrxe (apre e verze);
4) al’inisio de na parola: xonta (giunta), xèro (zero), xio (zio);
Consonante esploxiva sorda K: al posto dela CH es. Karega (sedia), toko (pezzo).
Semiconsonante L: xe ciamada “elle evanescente” e no ga on equivalente in taliàn. Se dopara in do caxi:
1) al’inisio de parola seguìa da vocale non palatale (A,O,U): late (latte), longo (lungo), luna (luna);
2) tra vocali non palatali: gola (gola), gondola (gondola), parola (parola);
La naxale NP NB al posto de MP e MB taliane: inbuto (imbuto), inposibile (impossibile).
Consonante sorda alveolare+consonante sorda palatale S-C: la lineeta ne dixe ke le do consonanti le ga da pronunciarse distinte: mas-cio (maschio), s-cenxa (scheggia), s-ciantixo (lampo).
Semiconsonate anteriore J, la sostituise la I solo in do poxisiòn:
- al’inisio de parola: jeri (ieri), judisio (giudizio), jutare (aiutare);
- in poxisiòn intervocalica tra do vocali silabike: mejo (meglio), mujere (moglie).
Naturalmente semo verti a tuti i tipi de scritura basta ke i sipia adeguai ala Grafia Veneta Unitaria.
Ricordemo anca ke la scritura xe solo na convensiòn par riprodure dei suoni; l’inportante xe capirse.
la redasiòn de Raixe Venete
|
|
In sto paketo software te poi catare i fonts veneti:
Venet Arial
Venet Arial Black
Venet Arial Narrow
Venet Arroyo
Venet Bastard
Venet Bookman
Venet Comic Sans MS
Venet Machiavelli
Venet Revive 565
Venet Sans Serif
Venet Serpentine
Venet Shelley
Venet Tahoma
Venet Times New Roman
Venet Verdana
Venet WindsorDemi
Co sto paketo software xe posibi£e aver a dispoxisión tuta na serie de fonts da doprare par scrivare in veneto!
El veneto infati el xe na £engoa ke, a difarensa da st'altre come el talian o l'inglexe, el dopra que£a ke vién ciamà £a 'elle evanescente'. Sta semiconsonante £a se dopra in do caxi:
1) al’inisio de paro£a seguìa da voca£e non palata£e (A,O,U): £ate (latte), £ongo (lungo), £una (luna);
2) tra voca£i non palata£i: go£a (gola), gondo£a (gondola), paro£a (parola).
Na volta insta£à i carateri veneti (Venet Fonts), bastarà strucare sol botón del minore "<" par far vegner fora £a 'elle evanescente' minusco£a e el majore ">" par scrivare que£a majisco£a.
Dopràr i Venet Fonts xe a£ora indispensabi£e par ki ke vo£e scrivare in £engoa veneta e ogni veneto ke se rispeti el dovarea averli insta£à sul so conputer.
VIVA EL VENETO - VIVA £A £ENGOA VENETA !
|
