Se conta ke durante el Caxin dela Creathion el Sior Creator gà fato prima el Sielo e live i Dii, e tra luri anca quelo del fogo.
El Sior lo gà fato orbo parkè nol se montase masa la testa. Cusì el Fogo jirava come on mato par l’universo, drio i s-ciantixi dei so caprisi e rabioxo o incasà nero de esar orbo.
Pò el Sior Creator gà fato la tera e sora ghe gà meso l’omo. A sto punto dela so Creathion el Sior nol podea pì lasar kel fogo faxese el mato, jirando par tuti i cantoni e bruxando a drita e a manca, magari anca l’omo, cusì el se gà jirà verso i anxeli ke ghe jera visin, el ghi nà selto on poki co la misión de andar so la tera par indrisarghe la skena a kel mato del fogo.
Sti anxeli rivà so la tera i gà tanto laorà par insegnarghe l’educathion a kel discolo del fogo, su coxa far de bon e su come movarse ben sensa far dani e malani.
Cusì i Anxeli finio a loro mision, prima de tornar in Sielo, i gà sielto on poki de omini parkè i continuase a far el loro laoro de tendare el fogo pal tenpo ke vegnarà e li gà ciamà SCOACAMIN.
I scoacamin par sta loro inportante mision i xe ciamà anca ANXELI NERI e i gà el privilejo de esare senpre in contato col Siel.

La leggenda narra che durante il caos primordiale della creazione, Dio il Creatore prima ha fatto il cielo e gli Dei e tra questi il Dio del Fuoco che però ha reso cieco per evitare che si insuperbisse.
Così il fuoco scorazzava come un pazzo per l’universo, furioso della sua ciecità.
Poi il creatore ha fatto prima la terra e poi l’uomo per abitarla. A questo punto il Signore si rese però conto che il Dio del Fuoco avrebbe provocato un sacco di danni girando follemente sulla terra per cui si rivolse agli angeli che gli stavano intorno e scegliendone alcuni affidò loro la missione di recarsi sulla terra per insegnare un po’ di educazione al questo Dio capriccioso e disordinato, obbligandolo a muoversi entro canali e strade costruite apposta per evitare che potesse danneggiare l’uomo con la sua follia furiosa.
Finita la loro missione, prima di ritornare in cielo, gli Angeli scelsero alcuni uomini che continuassero la loro opera di controllare il Fuoco per l’avvenire e diedero loro il nome di Spazzacamini.
Gli spazzacamini per questa loro importante funzione sono chiamati anche Angeli Neri e godono del privilegio di essere sempre in contatto con il Cielo quando si trovano sui tetti delle case.